andrewbek_1974 (andrewbek_1974) wrote,
andrewbek_1974
andrewbek_1974

Диетология XVI века

"Надобе человеку велми расмотрятися о том, чтобы легкая ества ясти, чтобы в нем долго не была, но борзо из него исходила. И в меру ясти в которую пору, чтобы ему в боце не тяжело было. И ясти ества, которая бы ему была приятна и что у него нутро любит. Пригожа ества к здравию: пшено сорочинское (Рис), крупы ячныа и гречневы, и овсяны, и пшено, и гороху мало, занеже в человеце не борзо ноет; и трава латуга борщь, свекловица; яиця свижие в смятку; а рыбы которыя тверды ястя, в которой бы дух не был, чтобы речная рыба, а не озерная; а рыба ясти с перцем и с луком, и с чесноком, и с горчицею и со уксусом; а больши ясти рыба печена или вспряжена в масле. А смокви, изюм ясти преж еств, а после обеда добро ясти яблока и груши печены, сахаром посыпывая. В весне ясти менши, а лето того менши ясти; а в осенинах акы в весне; а зиме надобе болши ясти. И добрая ества ясти наперед, а плохая опосле; того деля наперед добрая ества ястя, что ядет наперед к желудку и исходит из желудка борзо, а не запирается, ни пыщит человека. А за столом бы долго не седети, что первая ества хощет борзо изыти, а бы задняа не пришла, зане от того человеку многыя недугы поминаются. А пити мед за столом не добре хмелен, или вино добро пити с водою смешав: хмель голову портит, потомуж и вино; а пил бы помаленку за столом, а чясто: поколе бы ел, потоле бы и пил, чтобы ества и питье вместе шла и желудок бы принял. И тем обычаем надобе ся держати, и тем человеку живот держится и здравие: сердце здорово и тело крепко. А после человеку, аже имет жажа, может испити час; а час минет после стола, ино ему не пити до ужины. Того деля не велит после стола пити, что остудит желудок, и с того запирается ества в желудке, и от того многыя недугы приходят человеку: так вси философы кажут. Коли человек что ел и изныет в нем, а что останется в желудке, и может человеку то в тук поити; и от того тело тяжелеет, что оставается в желудке, и того деля человек порану на проход идет и силится, чтобы из него вышло. И нос бы себе сморкал и плевал бы гораздо, чтобы ему горло чисто. Коли человек в себе не чисто держит, ино у него нутр болит. Ток же дабы в себе не задержал, занеже тогды камень заражает в пузыре. И вси философи наказуют, еже не объядатися, занеже попремногу портит человека, еже объядатися, яко брашно изообилуай и пианство велик недуг на ны наносит. Смотри бо, яко от Адама до Ноя 10 родов бысть, и те жишя лета многа, зане пища тонко примахуть, жито и млеко, и воду пьяхуть: и от Ноева рода восприашя мясоядениа и винопитиа, тем и недузи чясти бышя, и лета их умалишяся. Тако-жь и от теплаго и от студенаго ветра беречися, а ветр бы был человеку тепл, но не добреж. А после обеда коли два часа минут, тож поспати, а болшее бы спал человек в нощи, а в день не спал, понеже многиа недугы в главу вступают; а кто не досыпает и он телом не крепок. А после обеда имет человек много ходити, или ездити, или делати что, то много нездравие творит."
Tags: 15-17 век, Россия, Средневековье, Юмор, история
Subscribe
  • Post a new comment

    Error

    Anonymous comments are disabled in this journal

    default userpic

    Your reply will be screened

  • 6 comments